पिसाब फेर्न जाँदा भिरबाट लडेर चालक मृत्यु

हेटौँडा : मकवानपुरको इन्द्रसरोवर गाउँपालिका २ सुकौरामा भिरबाट लडेर एकजनाको मृत्यु भएको छ।

बोलेरो चालक इन्द्रसरोवर गाउँपालिका १ मार्खु बस्ने ३२ वर्षीय सुरेश थापामगरको भिरबाट लडेर मृत्यु भएको हो।

मंगलबार बिहान हेटौँडाबाट माछा बोकेर काठमाडौं जादै गरेको बा. २०च ५९९३ नम्बरको बोलेरो गाउँपालिका २ सुकौरास्थित झरना होटलनजिक रोकेर सडक छेउको भिरमा पिसाब फेर्न गएका थापामगरको भिरबाट लडेर मृत्यु भएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले बताए। उनको शवलाई पोष्टमार्टमका लागि हेटौँडा ल्याउने तयारी भइरहेको प्रहरी उपरीक्षक सिंहले बताएका छन्।