हत्याको आशंकामा आमाछोरा नियन्त्रणमा
सुर्खेत, २५ मङ्सिर । पूर्वी सुर्खेतको भेरीगङ्गा नगरपालिका–२ मालनेटाबाट बाबुको हत्या आशङ्कामा प्रहरीले आमा–छोरालाई पक्राउ गरेको छ । प्रहरी कार्यालय छिन्चुका अनुसार सोही स्थानीय ४७ वर्षीय लोकबहादुर बिसीको हत्या आशङ्कामा श्रीमती सुमित्रा र छोरा कमल बिसीलाई मङ्गलबार साँझ पक्राउ गरिएको हो । शव घरदेखि ५० मिटर टाढा गोरेटो नजिक सोमबार फेला परेको प्रहरीले जानकारी दिएको छ ।अनुसन्धानका लागि मृतककी श्रीमती र छोरालाई नियन्त्रणमा लिइएको छ ।
