खयौन दुर्व्यवहारको आरोपपछि कर्नाटकका मन्त्रीद्वारा राजीनामा

एजेन्सी -भारतको कर्नाटकका मन्त्री रमेश जरकीहोलीले बुधबार पदबाट राजीनामा दिनु भएको छ । उहाँले आफूमाथि लागेको यौन दुर्व्यवहारको मुद्दासम्बन्धी आरोपबारे अनुसन्धानका लागि नैतिकरुपमा राजीनामा दिएको उल्लेख गनुृ भएको छ । यद्यपि आफू यो मामिलामा निर्दोष रहेको उहाँको दाबी छ ।

उहाँले दिएको राजीनामा मुख्यमन्त्री बीएस येदियुरप्पाले स्वीकृत गर्नु भएको छ र अनुमोदनका लागि गभर्नरलाई पठाउनु भएको छ । यसअघि जरकीहोलीमाथि सामाजिक अभियान्ता दिनेश कलाहालीले एक महिलामाथि यौन दुर्व्यवहारको आरोप लगाउनु भएको थियो । उहाँले महिला र मन्त्रीबीचको भिडियो, स्क्रिनसट र टेलिफोन वार्ता पनि सार्वजनिक गर्नु भएको थियो ।

उहाँले प्रहरीमा मन्त्रीविरुद्ध उजुरी पनि दिनु भएको थियो । उहाँले आफू पीडितको आफन्त पनि नभएको स्पष्ट पार्नु भएको थियो । सत्तारुढ पार्टीका नेताहरुले भने यो राजनीतिक पूर्वाग्रहबाट अभिप्रेरित घटना हुन सक्ने भन्दै यस विषयमा अनुसन्धानबाट मात्र सबै कुरा खुल्ने बताउनु भएको छ।