जसपाबाट निर्वाचित वडाध्यक्षको अगुवाइमा पूर्व प्रधानमन्त्री भट्टराईको पुत्लादहन
जनकपुरधाम-जनकपुरधाम उपमहानगरपालिकाका एक वडाध्यक्षको अगुवाइमा पूर्व प्रधानमन्त्री बाबुराम भट्टराईको पुत्लादहन भएको छ।जसपाका वरिष्ठ नेतासमेत रहेका भट्टराईको पुत्ला उपमहानगरपालिका वडा नम्बर ७ का वडाध्यक्ष जानकी राम साहको अगुवाइमा जसपाकै नेता कार्यकर्ताले जलाएका हुन्।
जनकपुरधामस्थित तपसी चौकमा जसपाका नेता कार्यकर्ताले पुतला जलाएका थिए।वडाध्यक्ष साह पनि स्वयं जसपाबाटै निर्वाचित जनप्रतिनिधि हो ।
नेता भट्टाराईले राष्ट्रपति विद्यादेवी भण्डारीद्वारा जारी नागरिकता सम्बन्धी अध्यादेशको विरोधमा वक्तव्य दिएपछि आफूहरूले उनको पुतला दहन गरेको वडाध्यक्ष साहले बताउनु भयो ।
उहाँले मधेशी नागरिकले माग गर्दै आएको नागरिकता सम्बन्धी अध्यादेश जारी गरेर पूरा गरिएको भन्दै यसको विरोध गर्नु मधेश विरोधी कृयाकलाप रहेको उहाँको भनाइ छ।
