बुद्धभुमीमा रक्तदान ,६० पोइण्ट रगत संकलन

कपिलवस्तु-निजामती सेवा दिवस एव अन्तराष्ट्रिय शिक्षा तथा साक्षरता दिवसको पूर्व सन्ध्यमा बुद्धभुमी नगरपालिका परिसरमा रक्तदान कार्यक्रममा समपन्न भएको छ ।
नगरपालिकामा कार्यरत कर्मचारीहरु , जनप्रतिनिधिहरु, शिक्षकहरु , सशस्त्र प्रहरीहरु, बैंक तथा वित्तीय संस्थाका कर्मचारीहरु तथा नगरवासीको सहभागीतामा उक्त कार्यक्रम सम्पन्न भएको हो ।

रोट्रयाक्ट क्लब अफ बुद्धभूमिको सहकार्य, कर्मचारी मिलन केन्द्र बुद्धभूमिको संयोजन तथा नगरपालिकाले संयुक्त रुपमा कार्यक्रम आयोजना गरेको थियो । उक्त कार्यक्रममा ६० पोइण्ट रगत संकलन भएको नगर प्रमुख केशव श्रेष्ठले जानकारी दिनु भयो । रक्तदान गर्नाले शरीरमा नया रगत निर्माण हुने र शरीर स्वास्थ हुने गर्द छ । यो पुण्यको कर्म हो हामी सबैले आकस्मिक हुने दुर्घटना देखि विभिन्न समयमा बिरामिलाइ अत्यावश्यक रगतको अभाव पूरा गर्न रक्तदान गरनु पर्छ नगर प्रमुख श्रेष्ठले भन्नुभयो ।

मिलन केन्द्रका संयोजक श्री राम प्रसाद भट्टराईको अध्यक्षता , नगर प्रमुख श्री केशव कुमार श्रेष्ठको प्रमुख आतिथ्य , नगर उप प्रमुख श्री मिरा थारु तथा प्रमुख प्रशासकीय अधिकृत श्री अनिल पौडेलको विशिष्ट आतिथ्यतामा कार्यक्रम समपन्न भएको हो । कार्यक्रमको औपचारिक सत्र मिलन केन्द्रका सचिव श्री विजय भुसालले संचालन गर्नुभएको थियो।