अध्यक्षमा उठ्ने भीम रावलको संकेत
काठमाडौं-नेकपा एमालेका उपाध्यक्ष भीम रावलले १० औं राष्ट्रिय महाधिवेशनमा अध्यक्ष पदमा उम्मेदवारी दिने संकेत गर्नु भएको छ । मंगलबार गृह जिल्ला अछाम पुगेका रावलले पार्टी एकता जोगाउन दशौं महाधिवेशनमा अध्यक्ष पदको उम्मेदवारी दिने बताउनसु भयो ।
साँफेबगर नगर कमिटीको बैठकमा रावलले भन्नु भयो , ‘तपाईंहरु जेमा उठ् भन्नु हुन्छ, त्यसैमा उठ्छु । यदि तपाईंहरुको पनि यहाँ केही छ भने भनिहाल्नुहोस् ।’ फ्लोरबाट आवाज आयो, ‘अध्यक्षमा ।’
यसपछि रावलले भन्नु भयो , ‘प्रस्तावै रहेछ । म यो आवाजलाई कमजोर हुन दिन्नँ ।’ उपाध्यक्ष रावलले हार्ने जित्नेको चिन्ता नगर्न पनि आग्रह गर्नु भयो । ‘यो दशौं राष्ट्रिय महाधिवेशनमा तपाईंहरुको स्वाभिमान, भावनालाई झण्डा चाहिँ बलियो गरी समात्छु । हार्ने जित्ने कुराको चिन्तै नगर्नुहोस्’, उहाँले भन्नु भयो ।
चुनावमा हारजित भइरहने उहाँको भनाइ थियो । ‘नहार्ने कोे छ रु केपी ओलीजी हारेको थिएन, हारेको थियो । केपी ओलीसँग एउटै प्यानलमा थिएँ, उहाँ अध्यक्षमा हार्नुभयो, म उपाध्यक्षमा’ उहाँले उदाहरण दिनु भयो , ‘केपी ओली झापामा हार्नुभएको छैन रु म संविधानसभामा हारेको हो । माधव नेपालले हारेको छैन काठमाडौंमा ।’
