शिवराजमा अवैध सालको काठ बरामद

कपिलवस्तु-डिभिजन बन कार्यलय गौतमबुद्ध चन्द्रौटा र शिवराज साझेदारी वन चन्द्रौटाका कर्मचारीहरुको संयुक्त टोलिले अवैध सालको काठ बरामद गरेको छ।

अवैध ढंगले साइकलमा लोड गरी  शिवराज न.पा.वार्ड नं.५ कहराको डाँडाबाट चोरी निकासीका लागि झाँडीमा लुकाइराखेको अवस्थामा विहिवार विहान ४५ क्यु फिट सालको काठसहित ९ थान साइकल पनि बरामद गरिएको डिभिजन बन कार्यालय चन्द्रौटाका सुचना अधिकारी गणेश थारुले बताउनु भयो ।

गस्ती टोलीलाई देखेपछि तस्करहरू भाग्न सफल भएको शिवराज साझदारी बन व्यावस्थापन चन्द्रौटा सहायक बन अधिकृत प्रेम शंकर गुप्ताले बताउनु भयो । । बरामद काठको बजार मूल्य १लाख ५४ हजार रुपैयाँ पर्ने जनाइएको छ । काठ तस्करीबारे थप अनुसन्धान भइरहेको र चाँडै नै यसमा संलग्नहरुको पहिचान हुने उहाँको भनाइ छ ।