मधेश प्रदेशको चाहना पूरा भयो : मुख्यमन्त्री राउत

सप्तरी – मधेस प्रदेशका मुख्यमन्त्री लालबाबु राउतले मधेस सरकार बनाउने चाहना पूरा भएको बताउनु भएको छ ।मधेश बलिदानी दिवसको अवसरमा राजविराजमा आयोजित कार्यक्रममा मुख्यमन्त्री राउतले मधेस आन्दोलनको समयमा नेपाल सरकार लेखेको मेटाएर मधेश लेखिएको स्मरण गर्नु भयो । ‘त्यस बेलादेखि नै मधेश प्रदेश होस् र मधेस सरकार बनोस् भन्ने चाहना थियो’ उहाँले भन्नु भयो ‘अहिले त्यो चाहना पूरा भएको छ ।’

उहाँले प्रदेशको नाम मधेस राख्न सहयोग गर्ने सबै सांसदलाई धन्यवाद दिनु भएको छ । आफ्नो दल जनता समाजवादी पार्टीका साथै लोकतान्त्रिक समाजवादी पार्टी, माओवादी केन्द्र र नेपाल संघीय समाजवादी पार्टी मिल्दा पनि दुई तिहाई नपुगेको भन्दै उहाँले भन्नु भयो , ‘नेपाली कांग्रेस, एकीकृत समाजवादी र एमालेका सांसदले पनि यसमा सहयोग गरेका छन् । मधेस नामाकरण भएपछि उहाँहरुले जय मधेश भन्नुभयो । उहाँहरुप्रति आभार र उच्च सम्मान प्रकट गर्दछु ।’