सरकार स्थानीय चुनावबाट भाग्न खोजेको भूमिहीन संगठनको आरोप
काठमाडौं – नेकपा एमाले निकट भूमिहीन सुकुम्बासी संगठनले संविधानले निर्धारण गरेको समयभित्र स्थानीय तहको निर्वाचन सम्पन्न गर्न सरकारको ध्यानाकर्षण गराएको छ ।
संगठनकी अध्यक्ष शान्ता चौधरीले सोमवार प्रेस विज्ञप्ति जारी गर्दै सरकार स्थानीय चुनाव नगर्ने चालबाजीमा रहेको आरोप लगाएकी छन् ।
चौधरीले स्थानीय तहमा जनप्रतिनिधिको रिक्तताको परिकल्पना गर्न नसकिने बताएकी छन् ।
संगठनले सरकार मुक्त कमैयाको समस्या समाधान गर्न र एमाले सरकारका पालमा अघि बढेको भूमिहीनलाई जग्गा वितरण गर्ने कार्यबाट समेत विमुख भएको आरोप लगाएको छ ।
