लागूऔषधसहित दुईजना पक्राउ
मकवानपुर- प्रहरीले विभिन्न लागूऔषधसहित दुईजनालाई पक्राउ गरेको छ ।
जिल्ला प्रहरी कार्यालय
जिल्ला प्रहरी कार्यालय मकवानपुरबाट खटिएको प्रहरी टोलीले हेटौडा उपमहानगरपालिका-१० बसपार्कस्थित सडकखण्डमा जाँचका क्रममा उनीहरूलाई शनिबार पक्राउ गरेको हो ।पक्राउ पर्नेमा चितवनका राप्ती नगरपालिका- ८ बस्ने २६ वर्षीय अमृत सुनार र खैरहनी नगरपालिका-७ बस्ने २७ वर्षीय किसन विश्वकर्मा रहेका छन् ।
प्रहरीले उनीहरुको साथबाट १७ एम्पुल डाइजेपाम, १९ एम्पुल फेनेरेगन र १५ एम्पुल नूफिन गरी जम्मा ५१ एम्पुल तथा २४० मिलिग्राम खैरो हिरोइन बरामद गरेको छ ।पक्राउ परेका उनीहरुमाथि थप अनुसन्धान भइरहेको जिल्ला प्रहरी कार्यालय मकवानपुरका निमित्त प्रवक्ता राजकुमार सापकोटाले जानकारी दिए ।
