थप २६ जनामा कोरोना संक्रमण
काठमाडौं – देशभर २६ जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरको विभिन्न प्रयोगशालामा ५ हजार ६ सय ५ जनामा गरिएको परीक्षणमा २६ जनामा संक्रमण पुष्टि भएको हो ।
शुक्रबार ९ जना संक्रमित संक्रमणमुक्त भएका छन् भने देशभर १ सय ११ सक्रिय संक्रमित रहेका छन् ।त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
