सबै पदाधिकारी टुंगाउने गरि माओवादिकाे बैठक बस्दै
काठमाडौ- नेपाल कम्युनिस्ट पार्टी (माओवादी केन्द्र)को केन्द्रीय समितिको स्थगित भएकाे बैठक आज बस्दै छ । पदाधिकारी, स्थायी र पोलिटब्युरो सदस्य चयनका लागि गृहकार्य गर्ने भनेर मङ्गलबार स्थगित गरिएको बैठक बुधबार संसद्मा सहभागी हुनुपर्ने भन्दै स्थगित भएको थियाे ।
पदाधिकारी चयनका लागि पूर्वस्थायी समितिको बैठक बुधबार पनि पार्टी अध्यक्ष पुष्पकमल दाहाल प्रचण्ड निवास खुमलटारमा बसेको थियो । मङ्गलबारको बैठकले पदाधिकारी, स्थायी र पोलिब्युरो सदस्यको अन्तिम नामावली प्रस्ताव गर्न अध्यक्षलाई जिम्मेवारी दिइएको थियो । पार्टी अध्यक्ष प्रचण्डले बुधबार पनि बैठक स्थगित गरेर छलफल गर्नुभएको छ ।
पार्टीको नेतृत्व तह संसद्मा सहभागी हुनुपर्ने भएकाले बुधबार बैठक स्थगित भएको पूर्वस्थायी समिति सदस्य गणेश शाहले जानकारी दिनुभयो
