पोखरामा पहिरोले घर पुरिँदा एक जनाको मृत्यु
पोखरा- कास्कीको पोखरा महानगरपालिका-६ डिहिकोपाटनमा पहिरोले घर पुरिँदा एक जनाको मृत्यु भएको छ भने दुई जना घाइते भएका छन् ।
गएराति माथिबाट आएको पहिरोले घर पुरिँदा सन्तोष सुनारको मृत्यु भएको जिल्ला प्रहरी कार्यालयले जनाएको छ । प्रहरीका अनुसार पहिरोमा सुनिता सुनार र सिमन सुनार घाइते भएका छन् ।
घाइतेहरुको पोखरास्थित गण्डकी मेडिकल कलेजमा उपचार भइरहेको छ । उनीहरुको अवस्था सामान्य रहेको जिल्ला प्रहरी कार्यालयका डीएसपी सुन्दर तिवारीले बताउनुभयाे ।
