सशस्त्र प्रहरी हवल्दारले आफैँलाई हाने गोली
दाङ- दाङको तुलसीपुर कारागारमा सशस्त्र प्रहरीका सहायक हवल्दारले आफैंलाई गोली हानी आत्महत्या गरेका छन् ।
तुलसीपुर उपमहानगरपालिका– ८ टिकरीका ३५ वर्षीय वसन्त केसीले आइतबार बेलुका साढे ८ बजेतिर आफैँलाई गोली हानेका हुन्।
आफैलाई गोली हानेका केसीको घटनास्थलमै उनको मृत्यु भएको इलाका प्रहरी कार्यालय तुलसीपुरका प्रमुख डीएसपी पुष्पराज मल्लले जानकारी दिनुभयो ।
केसी कारागार सुरक्षा गुल्म तुलसीपुरमा करिब पाँच दिन अघि मात्र कपिलवस्तुबाट आएका थिए । केसी ४८ नम्बर रिजर्व गुल्म कपिलवस्तुमा कार्यरत थिए।
घटनाबारे अनुसन्धान भइरहेको प्रहरीले बताएको छ।
