आम माफी पाएका रेशम चौधरी रिहा
काठमाडौं- राष्ट्रपतिबाट आम माफी पाएका पूर्वसांसद रेशमलाल चौधरीको रिहा भएका छन्।
डिल्लीबजार कारागारबाट सोमबार बिहान चाैधरी रिहा भएका हुन्। उहाँलाई लिन समर्थक र आफन्त फुलमालाका साथ कारागार पुगेका थिए।
टीकापुर घटनामा दोषी ठहर भई कैद सजाय भोगिरहेका पूर्वसांसद चौधरीसहित विभिन्न मुद्दाका १९ जना बन्दीलाई राष्ट्रपति रामचन्द्र पौडेलले आइतबार आम माफी दिएपछि रिहा भएका हुन्।
राष्ट्रपतिले थप ४ सय ८२ जना कैदी बन्दीको सजाय पनि मिनाहा गरेका छन्।
