महोत्सवको नाममा जनतालाई झुक्याएर संस्थाको भवन बनाउने मेसो

न्युज सेन्टर नेपाल 

कपिलवस्तुको चन्द्रौटामा पुस १३ गते देखी २४ गते सम्म कपिलवस्तुको चन्द्रौटामा ८ औँ चन्द्रौटा महोत्सवको तयारी अन्तिम चरण रहेको छ ।आयोजक रहेको चन्द्रौटा उद्योग वाणिज्य संघले महोत्सवको नारा “विकासको पुर्वाधार, आन्तरिक उत्पादन र उद्योग व्यापार” भनेर व्यापक प्रचारप्रसार गरिहेको छ ।

आयोजकले महोत्सवको नाममा नागरिक झुक्याउदै संस्थाको भवन बनाउने कार्य गर्ने खुलेको छ । उद्योग वाणिज्य संघले नाराले भने जस्तो काम चाही नगर्ने स्पष्ट पारिसकेको छ । उद्योग वाणिज्य संघको नारा मिठो सार्वप्रीय भएपनी नारा अनुसार काम भने केही नगर्ने संस्थाका अध्यक्ष इश्वरी प्रसाद पाण्डेले २१ दिन पहिल्यै स्पष्ट पारिसक्नु भएको छ ।

मंसीर २० गते स्थानिय पत्रकारसगँ भेटगर्दे संस्थाको अपुरो भवन निर्माणका लागि मेला आयोजना गर्न लागेको अध्यक्ष पाण्डेले बताउनु भएको थियो । अध्यक्ष पाण्डेले मेलाको मुख्य उदेश्य नै भवन बनाउने भएको भन्दै सहयोगको अपिल समेत गरेको थिए ।

यस भन्दा पहिले ७ पटक सम्म आयोजना गरीएको महोत्सवमा कृषि पर्यटन लेख्दै आएपनी यस बर्ष आयोजकले कृषि, पर्यटन कहिकतै उल्लेख गरेको छैन । प्रचार प्रसार भए अनुसार अहिलेसम्म कुनै पनि आयोजकले सामाजिक कार्य नगरेको नागरिक समाजका अगुवाहरुले बताउछन ।

१३ गते देखी सुरु हुने महोत्सवमा आयोजक चन्द्रौटा उद्योग वाणिज्य संघले ६० देखी ७० लाख सम्म बचाउने आर्थिक जानकारहरुको भनाई रहेको छ ।