सडक डिभिजन कार्यालयमै छैन सूचना अधिकारीको बोर्ड, सेवाग्राही मर्कामा

सनिउल्ला धोबी– सडक डिभिजन कार्यालय शिवपुर कपिलवस्तुले सूचना अधिकारीको विवरण सहितको बोर्ड नराख्दा सेवाग्राहीले सूचनाको अभाव झेल्नु परेको छ ।

नागरिकका लागि महत्त्वपूर्ण मानिने यस कार्यालयमा सूचना अधिकारीको जानकारी दिने बोर्ड नहुँदा जनगुनासो बढेको छ ।

सूचना अधिकारीको विवरण नभएका कारण सेवाग्राहीहरूले कार्यालयमा आवश्यक जानकारी पाउन कठिनाइ भोगिरहेको खरेन्द्रपुरका असलम खानले बताउनु भयो ।

सूचनाको हकसम्बन्धी ऐन २०६४,सुचनाको हक सम्बन्धि नियमावली २०६५, र अधिकारीकोकाम कर्तव्य र जिम्मेवारी सम्बन्धि निर्देशिका २०७३ ले कुनै पनि सरकारी निकायमा सूचना अधिकारीको नाम, तस्बिर, सम्पर्क नम्बर, र इमेल सहितको बोर्ड सबैले देख्ने गरि राख्न अनिवार्य गरेको छ ।

सूचनाको हकका जानकारहरूका अनुसार सडक डिभिजन कार्यालय शिवपुरले उक्त कानूनी प्रावधानको बेवास्ता गर्दै आएको छ ।
सूचनाको हकको उल्लङ्घनले सेवाग्राहीलाई झनै समस्या बनाएको भन्दै उनीहरूले छिट्टै सुधारको माग गरेका छन ।

सडक डिभिजन कार्यालय शिवपुरका प्रमुख सविन कोइरालाले सूचना अधिकारीको बोर्ड नहुँदा सेवाग्राहीले पाएको समस्या स्वीकार गर्दै केही दिनभित्रै सूचना अधिकारी विवेक कुँवरको नामसहितको बोर्ड राख्ने आश्वासन दिएका छन ।

सेवाग्राहीका लागि अत्यन्त आवश्यक मानिने सूचना अधिकारीको विवरणसम्बन्धी बोर्ड राख्न ढिलाइ गर्दा कार्यालयप्रति नागरिकको विश्वासमा कमी आउन सक्ने जानकारहरुको भनाई रहेको छ ।

सरकारी कार्यालयहरूले कानूनी व्यवस्थालाई सम्मान गर्दै नागरिकलाई सहज सेवा उपलब्ध गराउन ध्यान दिनु आवश्यक रहेको सेवाग्राहीहरूको भनाइ छ ।
सूचना आयोगले सूचना अधिकारीका विषयमा जारी गरेको निर्देशिका