काठमाडौँमा चहलपहल बढ्यो
दसैँ मनाउन काठमाडौँ उपत्यकाबाट बाहिरिएका यात्रुहरू चाडपर्व सकिएसँगै उपत्यका फर्किन थालेका छन्। गाउँघरमा परिवार र आफन्तसँग दसैँ मनाएर फर्किने यात्रुको चाप बढेसँगै काठमाडौँ भित्रिने प्रमुख नाका तथा सडकखण्डमा सवारीसाधनको आवागमन बाक्लिन थालेको छ।
काठमाडौँको कलंकी क्षेत्रमा पनि उपत्यका भित्रिने सवारीसाधन र यात्रुको चहलपहल बढेको देखिन्छ। सार्वजनिक सवारीसाधनमा यात्रुहरू आफ्नो गन्तव्यतर्फ फर्किरहेका छन् भने सडकमा सवारीसाधनको चापसमेत बढ्दै गएको छ।
