अछाममा पहिरो, एकै परिवारका ३ जनाको मृत्यु
अछाम -अछामको तुर्माखाँद गाउँपालिका-२ भुलुमा पहिरोले घर पुरिंदा एउटै परिवारका तीन जनाको मृत्यु भएको छ ।
स्थानीय पदम सिंह विष्टको घर पुरिंदा उहाँका परिवारका सदस्यहरुको मृत्यु भएको जिल्ला प्रहरी कार्यालय अछामले जनाएको छ । एकै परिवारका तीन जनाको मृत्यु भएको पुष्टि गरे पनि मृतकको परिचय खुल्न बाँकी रहेको जनाएको छ ।
पहिरोमा पुरिएर एक जना घाइते भएका छन् । उनलाई उद्धार गरी स्थानीय स्वास्थ्य संस्थामा उपचारका लागि लगिएको छ ।
गएराति १ बजेतिर पहिरो खसेको थियो । ओछ्यानमा सुतिरहेकाहरु पहिरोमा पुरिएका थिए । घटनाको थप विवरण आउन बाँकी छ ।
