शिवराजमा आगलागी हुदाँ ११ बाख्रा जलेर मरे
कपिलबस्तुको शिवराज नगरपालिका वडा नं ४ समिति चोक स्थीत एक खोरमा आगलागी हुदाँ ११ बाख्रा जलेर मरेका छन । समिति चोक बन कार्यालय नजिकै रहेको नन्दलाल यादवको फुसले छाएको बाख्राको खोरमा एक्कासी आगोलागी भएको थियो ।
खोरमा रहेका ११ वटा बाख्रा जली मरेको वडा प्रहरी कार्यालय चन्द्रौटाले जनाएको छ । विहिबार करिब ५ बजे खोरमा आगलागी हुँदा अन्दाजी रु १ लाख ५० हजार बराबरको क्षति भएको प्रहरीले जनाएको छ । आगलागी के कति कारणले भएको विषयमा अनुसान्धन भैरहेको छ ।
