खेतबारीबाटै आलु चोरी

उर्लाबारी- मोरङको पथरीशनिश्चरे २ कालापानीमा खेतबाटै आलु चोरी भएको छ। पथरी कृषि फर्मका सञ्चालक रुद्रमणि न्यौपानेले लगाएको दुई बिगाहा क्षेत्रफलमध्ये १ कट्ठा जग्गाको आलु गत राति चोरी भएको हो।

न्यौपानेले दुई बिगाहा जग्गा लिजमा लिएर मौसम अनुसारको तरकारी र नगदे बाली लगाउँदै आउनु भएको छ। करिब दुई मन आलु खेतबाटै खनेर चोरले लगेको फर्मका ञ्चालक न्यौपानेले जानकारी दिनुभयो। आलु चोरी भएपछि न्यौपानेले जनप्रतिनिधि र प्रहरीलाई जानकारी गराउनु भएको छ। बजारमा नयाँ आलु प्रतिकिलो २५ रुपियाँमा बिक्री भइरहेको छ।