इन्धनको मूल्य घट्यो

नेपाल आयल निगमले पेट्रोलियम पदार्थको मूल्य घटाएको छ।आइतबार पत्रकार सम्मेलन गर्दै निगमका कार्यकारी निर्देशक उमेशप्रसाद थानीले इन्धनको मूल्य घटेको जानकारी दिनुभएको हो।

थानीका अनुसार पेट्रोल छ रुपियाँले घटेर क बर्गमा १६१.५०, ख वर्गमा १६३ र ग वर्गमा १६४ रुपियाँमा झरेको छ।

त्यस्तै डीजल र मट्टीतेलमा समान चार–चार रुपियाँ घटेको छ।एलपी ग्याँसमा १० रुपियाँ घटेको छ।अब एलपी ग्याँस एक हजार ७९० रुपियाँ पर्नेछ।

डिजेलको नयाँ मूल्यअनुसार क वर्गमा १४३.५, ख वर्गमा १४५ र ग वर्गमा १४६ रुपियाँ पुगेको छ।घटेको नयाँ मूल्य आज राति १२ बजेदेखि कार्यान्वयन हुनेछ ।