कपिलवस्तुको शिवराजमा सेटीङ्गमा कर्मचारी भर्ना
न्युजसेन्टर नेपाल,
कपिलवस्तुको शिवराज नगरपालिकाद्धारा सन्चालित शिवराज आधारभुत स्वास्थ्य सेवा अस्पातालमा सेटीङ्गमा कर्मचारी भर्ना गरेको पाइएको छ । अस्पाताल व्यवस्थापन समितिको मिलेमातोमा शिवराज नगरपालिका शिवपुर बस्ने लक्ष्मण प्रसाद रिमाल (उपाध्यय) लाई कर्मचारीको रुपमा भर्ना गरिएको रहस्य खुलेको छ । 
राष्ट्रिय प्रजातन्त्र पार्टीका सर्मथक रहेका रिमाललाई आधारभुत स्वास्थ्य अस्पातालमा फर्मेसिष्ट पदमा ज्यालादारी कर्मचारीको रुपमा भर्ना गरेको पाइएको छ ।
रिमालले केही दिन निशुल्क रुपमा अस्पतालमा काम गरेको थिए । अस्पाताल व्यवस्थापन समितिले रिमाललाई दैनिक रु ६ सय ५० रुपैया दिने गरी भर्ना गरेको छ ।
कर्मचारी अपुग भए नगरपालिकाबाट विज्ञापन प्रकाशित गरी कर्मचारी भर्ना गर्ने नियम रहेपनी रिमाललाई सेटीङ्ग गर्न ज्यलादारीको रुपमा फर्मेसिष्ट पदमा भर्ना गरिएको छ । रिमालले आपनो समाजिक सन्जाल फेसबुकमा समेत आधारभुत स्वास्थ्य संस्थाको फर्मेसिष्ट असिसटेन्डमा काम गर्छु भनेर समेत लेखेका छन ।
अन्य पदमा विज्ञापन खोल्ने तर रिमालको हकमा ज्यालादारीमा भर्ना गर्दा अस्पताल व्यवस्थापन समिति माथि नै प्रश्न चिन्ह उठेको छ । अस्पतालको आम्दानीबाट उनलाई तलब दिने गरी भर्ना गरिएको अस्पताल स्रोतले जनाएको छ । अस्पताल व्यवस्थापन समितिबाट ज्यालादारीमा भर्ना भएका रिमाल आफु सबैभन्दा ठुलो भन्दै त्यहाँ कार्यरत कर्मचारीलाई धम्काउने गरेको समेत अस्पतालमा काम गर्न अन्य कर्मचारीले बताएका छन ।
शिवराज नगरपालिका वडा नं ५ का अध्यक्ष तथा अस्पताल व्यवस्थापन समितिका अध्यक्ष नेत्र बेल्वासेले केही समयको लागि मात्र कर्मचारी भर्ना गरेको बताउनुभयो । सुचना किन निकाल्नु भएन भन्ने प्रश्नमा वडा अध्यक्ष बेल्वासेले हाकिम र लेखा नहुदाँ तत्काल सिमित समयको लागि रिमाललाई भर्ना गरिएको बताउनुभयो ।
