कपिलवस्तुको शिवराजमा शैक्षिक सामग्री वितरण
न्युज सेन्टर नेपाल-
कपिलवस्तु, शिवराज नगरपालिका वडा नम्बर ६ मा रहेका सामुदायिक विद्यालयका बालविकास तहका विद्यार्थीहरूलाई शैक्षिक सामग्री वितरण गरिएको छ ।
वडा भित्रका सबै सामुदायिक विद्यालयमा अध्ययनरत बालबालिकालाई झोला, कापी, पेन्सिल लगायत सामग्री वितरण गरिएको वडा अध्यक्ष माहेताब आलम खाँले जानकारी दिनुभयो ।
विद्यार्थीहरूलाई अध्ययनमा प्रोत्साहित गर्न तथा शैक्षिक गुणस्तरमा सुधार ल्याउने उद्देश्यले सामग्री वितरण गरिएको वडाध्यक्ष खाँले बताउनुभयो ।
सामग्री वितरण कार्यक्रम विद्यालयकै प्राङ्गणमा आयोजित गरिएको थियो ।
कार्यक्रममा विद्यालयका शिक्षक, अभिभावक तथा स्थानिय जनप्रतिनिधिको उपस्थिति रहेको थियो । शैक्षिक सामग्री पाएपछि विद्यार्थीहरू निकै खुसी भएका थिए ।
उनीहरूका अभिभावकहरूले वडाले गरेको प्रयासको प्रशंसा गरेका छन् ।
वडाले आगामी दिनमा पनि शिक्षा क्षेत्रमा थप कार्यक्रम ल्याउने तयारी गरिरहेको जनाएको छ ।
