अरनिको १६औं वार्षिक साधारणसभा सम्पन्न

कपिलवस्तु–

कपिलवस्तु चन्द्रौटामा रहेको अरनिको बचत तथा ऋण सहकारी संस्था लिमिटेडको १६औं वार्षिक साधारणसभा भव्य रूपमा सम्पन्न भएको छ । साधारणसभाका प्रमुख अतिथि प्रदेशसभा सदस्य अर्जुन केसी रहनुभएको थियो ।

कार्यक्रमको अध्यक्षता संस्था अध्यक्ष द्रोण प्रसाद अधिकारीले गर्नुभयो भने सञ्चालन सचिव नवराज न्यौपानेले गर्नुभएको थियो ।

कार्यक्रममा कोषाध्यक्ष कमला डुम्रेले सहकारीको आर्थिक प्रतिवेदन प्रस्तुत गर्नुभएको थियो । सभामा सहकारीका सदस्यहरू, स्थानीय समाजसेवी, विभिन्न सहकारी संस्थाका प्रतिनिधि तथा सरोकारवालाहरूको उल्लेखनीय उपस्थिति रहेको थियो ।

सभामा विगत वर्षको उपलब्धि, आगामी वर्षका योजना तथा सदस्यहरूको सुझावबारे विस्तृत छलफल गरिएको थियो ।

सहकारीले विगतका वर्षहरूमा आर्थिक पारदर्शिता र सदस्य हितमा केन्द्रित कार्य गर्दै आएको जनाएको छ । आगामी वर्षमा सेवा विस्तार र सदस्य सशक्तिकरणका कार्यक्रमहरू सञ्चालन गर्ने योजना सहकारीले जनाएको छ ।