शेखर काेइराला भन्छन् : हामी निर्वाचनको मिति कुरेर बसेका छौँ

काठमाडाैं –

नेपाली कांग्रेसका नेता डा. शेखर कोइरालाले फागुन २१ मा निर्वाचन हुनैपर्ने बताएका छन्।आफ्नो निर्वाचन क्षेत्र मोरङ-६ अन्तर्गत सुन्दरहरैंचा नगरपालिका-४ का स्थानीय नेताहरूसँगको भेटघाट कार्यक्रममा बोल्दै उनले प्रजातन्त्रको जग निर्वाचन भएकाले आफूहरू जान आतुर रहेको बताए ।  ‘संविधान बचाउने र मुलुकलाई संक्रमणबाट जोगाउने निर्वाचनले मात्रै हो’, नेता कोइरालाले भने, ‘हामी त निर्वाचनको मिति कुरेर बसेका छौं।तर सरकारको तयारी हेर्दा निर्वाचन हुनेमा आशंका समेत जन्मिएको छ ।’

सरकारले निर्वाचनको वातावरण बनाउन नसकेको काेइरालाकाे बुझाइ छ। ‘दलका केही नेतालाई काठमाडौं बाहिर जान दिइएको छैन, लुटिएका हतियार बाहिर छन्, कैदीहरू बाहिर छन्।यसबारेमा सरकारले के सोचेको छ ? उनले प्रश्न गरे ।नेता कोइरालाले निर्वाचनका लागि जुट्न पनि पार्टी पङ्तिलाई निर्देशन दिए।