दशैंमा गौतमबुद्ध पोलिक्लिनिकको दुईदिने विशेष अफर, सुगर जाँच निःशुल्क

कपिलवस्तु –
बडादशैंको पावन अवसरमा कपिलवस्तुको शिवराज नगरपालिका–३, खरेन्द्रपुरमा रहेको गौतमबुद्ध पोलिक्लिनिक प्रा.लि.ले सेवाग्राहीलाई लक्षित गर्दै विशेष स्वास्थ्य सेवा तथा छुट अफर सञ्चालन गर्ने भएको छ ।

पोलिक्लिनिकले दशैंको अवसरमा सर्वसाधारणलाई स्वास्थ्यप्रति सचेत गराउने उद्देश्यले सुगर जाँच निःशुल्क गर्न लागिएको संचालक बाबुराम भुसालले बताउनुभयो । त्यसैगरी, थाइराइडसम्बन्धी परीक्षण (TFT) मात्र रु. ५०० मा उपलब्ध गराउने उहाको भनाई छ ।

अफर असोज ३१ गते र कात्तिक १ गते दुई दिन मात्र लागू हुनेछ। चाडपर्वको समयमा पनि स्वास्थ्यलाई प्राथमिकता दिन र समयमै स्वास्थ्य परीक्षण गराउन प्रोत्साहित गर्ने उद्देश्यले यो सेवा ल्याइएको भुसाल को भनाई छ ।

यसैबीच संचालक भुसालले बडादशैंको अवसरमा सम्पूर्ण सेवाग्राही, शुभचिन्तक तथा देश–विदेशमा रहेका नेपाली दाजुभाइ तथा दिदीबहिनीहरूमा सुख, शान्ति, सु–स्वास्थ्य, समृद्धि र उत्तरोत्तर प्रगतिको हार्दिक मंगलमय शुभकामना व्यक्त गरेको छ।