नेपाली कांग्रेसले शुभकामना आदानप्रदान तथा चियापान कार्यक्रम गर्ने
नेपाली कांग्रेस शिवराज नगर समितिले विजयादशमी, शुभ दीपावली तथा छठ पर्वको अवसरमा शुभकामना आदान–प्रदान तथा चियापान कार्यक्रम आयोजना गर्ने भएको छ ।
नेपाली कांग्रेस शिवराज नगर समितिको आयोजनामा शुक्रबार दिउँसो २ बजे शिवराज नगरपालिका वडा नं ५ स्थित सभाहल, चन्द्रौटामा कार्यक्रम हुन लागेको नगर सभापति मधु पोख्रेलले जानकारी दिनुभयो ।
सभापति पोख्रेलका अनुसार चाडपर्वको अवसरमा आपसी सद्भाव, भाइचारा र सामाजिक एकतालाई थप सुदृढ बनाउने उद्देश्यले कार्यक्रम आयोजना गर्न लागिएको हो ।
कार्यक्रममा पार्टीका नेता तथा कार्यकर्ता, स्थानीय जनप्रतिनिधि, विभिन्न क्षेत्रका व्यक्तित्व तथा शुभेच्छुकहरूको सहभागिता रहने अपेक्षा गरिएको छ ।
नेपाली कांग्रेस शिवराज नगर समितिले कार्यक्रममा सहभागी भई शुभकामना आदान–प्रदान गर्न सबैलाई आग्रह गरेको छ ।
