जसपाका युवा नेता शाहद्वारा श्रीवस्तावलाई सम्मान
कपिलवस्तु- प्रेस मंच नेपालको उप-महासचिव पदमा मनोनित हुनु भएका कपिलवस्तु टाइम्सका प्रधान सम्पादक अंकुश कुमार श्रीवास्तवलाइ जनता समाजवादी पार्टीका युवा नेता रहिस शाहले सम्मान तथा शुभकामना व्यक्त गर्नु भएको छ । उहाँलाइ नेता शाहले सम्मान गर्दै सफल कार्यकालको शुभकामना दिनु भयो ।
उप महासचिव श्रीवास्तवलाई यस क्षेत्रका नागरिकहरुको अवाजलाई बुलन्द गराउन युवा नेता शाहले अग्राह गर्नु भयो । कपिलवस्तुको नागरिकहरुको अवाजलाई केन्द्रसम्म पुर्याउन श्रीवस्तालले महत्वपुर्ण कदम चाल्नु पर्ने जसपा नेता शाहले बताउनु भयो । सम्मान कार्यक्रममा जनता समाजवादी पार्टीका शिवराज नगर अध्यक्ष कृष्ण कुमार चौधरी, शिव पुुजन यादव लगायतका नेताहरुले श्रीवस्तावलाई सम्मान गरेका थिए ।
प्रेस नेपाल र प्रेस मञ्च नेपालको विधान सर्वसम्मतले पारित भएपछिको केन्द्रीय पदाधिकारी तथा जसपा पार्टीका शिर्ष नेताहरुको उपस्थितिमा केन्द्रीय समितिको मनोनयन गरिएको छ ।
हाल प्रेस मञ्च नेपाल नाम परिवर्तन भई केन्द्रीय समिति गठन गरिएको छ । केन्द्रीय कमिटिमा उपमहासचिवमा कपिलवस्तु टाइम्सका प्रकाशक सम्पादक अंकुश कुमार श्रीवास्तवलाई मनोनित गरिएपछि जिल्लाका जसपा नेता तथा कार्यकर्ताले शुभकामना व्यक्त गरेका छन ।
