यी ५ जिल्लामा आज पनि सार्वजनिक बिदा
पाँच वटा जिल्लामा बिहीबार पनि सार्वजनिक बिदा हुने भएका छ । सरकारले सिरूवा–पवानी पर्वको उपलक्ष्यमा देशका पाँच जिल्लामा सार्वजनिक बिदा दिएको हो ।
गृहमन्त्रालयले बुधबार एक सूचना जारी गर्दै झापा, मोरङ, सुनसरी, सिरहा र सप्तरीमा सार्वजनिक बिदा दिने निर्णय गरेको हो।
मन्त्रिपरिषद्को निर्णयानुसार २०७८ साल वैशाख १ गतेदेखि चैत मसान्तसम्म दिइने सार्वजनिक बिदा गत चैत ९ गते नै राजपत्रमा प्रकाशित गरेको थियो।
