भ्याक्सिनमा कसैले भ्रष्टाचार गरेको भए कसैलाइ पनि क्षम्य हुन्न कारबाही हुन्छ:प्रधानमन्त्री ओली
काठमाडौं -प्रधानमन्त्री केपी शर्मा ओलीले कोरोना खोपका विषयमा फूमाथि हिलो छ्याप्ने काम भएको भन्दै असन्तुष्टि जनाउनुभएको छ । उहाँले यदि कसैले भ्रष्टाचार गरेको भए अक्षम्य हुने र छानविन गरेर कारबाही गर्ने बताउनुभयो ।
संसदको सोमबार बसेको बैठकमा विश्वासको मत लिने प्रस्ताव प्रस्तुत गर्दै प्रधानमन्त्री ओलीले सरकारको ध्यान महामारी नियन्त्रणमा केन्द्रित रहेको बताउनुभयो । उहाँले अघि भन्नुभयो , ‘कतिपय कर्नरमा प्रधानमन्त्रीमाथि हिलो छ्याप्ने वा सरकारमाथि हिलो छ्याप्ने र कोभिडविरुद्धको औषधिमा भएको भ्रष्टाचारको नाममा कुरा उछाल्ने र नभएका कनेक्सन अनुचित ढंगले देखाउने क्रियाकलाप भए ।’
भ्याक्सिन अभाव भएपनि सरकारले दक्षिण एसियामा भारतपछि बढी खोप ल्याउन सफल भएको उहाँले बताउनुभयो । पीसीआर टेष्ट, आईसीयू भेन्टिलेटर व्यवस्था गरेको भन्दै प्रधानमन्त्री ओलीले कोभिड महामारीमा जनताको जीवन रक्षा पहिलो सर्त भएको बताउनुभयो ।
प्रधानमन्त्री ओलीले अघि भन्नुभयो , ‘यस्तोमा पनि कसैले भ्रष्टाचार गर्छ भने यस्तो अपराध क्षम्य हुन्न । छानविन हुन्छ, कारबाही हुन्छ ।’
