छ करोडमा बनेको कोल्डस्टोर प्रयोगविहीन

इलाम । इलाम कृर्षि उत्पादनको लागि उर्वर मानिन्छ । जिल्लामा उत्पात्पादित तरकारी तथा फलफूल भण्डारण गर्ने हो भने बाहिरबाट ल्याउनु पर्दैन । उत्पादित तरकारी तथा फलफूल जिल्लामै उपभोग गर्ने उदेश्यले शितभण्डार (कोल्डस्टोर) निर्माण गरिएको छ ।

इलाम नगरपालिका र भारतीय दूतावासको सहयोगमा ८ वर्षअघि २ हजार टन क्षमताको कोल्डस्टोर निर्माण गरिएको हो । कोल्डस्टोर निर्माणको लागि दूतावासले ६ करोड रुपैयाँ सहयोग गरेको थियो । कोल्डस्टोर) निर्माण भएर सञ्चालनमा नआउँदा उत्पादित तरकारी तथा फलफूल बिग्रिने गरेको छ । तर बासिन्दा भने आयातित फलफूल तथा तरकारी उपभोग गर्न बाध्य छन् ।

इलाममा किवीसहित विभिन्न किसिमका फलफूल .र तरकारी उत्पादन हुने गरेको छ । कोल्डस्टोर निर्माणपछि २ उद्घाटन भइसकेको छ । तर अहिलेसम्म प्रयोगविहीन अवस्थामै छ । कोल्डस्टोर संचालन नभए पनि नगरपालिकाले विद्युत महशुल्क वापत मासिक १५ हजार रुपैयाँ तिर्दै आएको छ । कोल्डस्टोर रेखदेखका लागि १ कर्मचारी खटिएका छन् ।

नगरपालिकाका प्रशासकीय अधिकृत रामकुमार शाह कोल्ड स्टोर एकपल्टमा एकैप्रकारका उत्पादन मात्र भण्डारण गर्न मिल्ने ‘सिंगल च्याम्बर’को संचालन गर्न समस्या भएको बताउनुहुन्छ । ‘विभिन्न प्रकारका फलफूल तथा सरकारी राख्न मल्टिच्याम्बर’ बनाउनुपर्ने प्रशासकीय अधिकृत शाहको भनाई छ । ‘सिंगल च्याम्बर भए पनि सिजन अनुसारका फलफूल तथा तरकारी मिलाएर अलिअलि त राख्न मिल्थ्यो होला’ उहाँले भन्नुभयो, ‘तर किसानले राख्ने आँट गरेनन, बिग्रिन्छ कि भनेर डराए ।’