मन्त्रीको टुंगो लगाउन माओवादीको स्थायी कमिटी बस्दै

काठमाडौं – नेकपा (माओवादी केन्द्र) ले स्थायी कमिटी बैठक बोलाएको छ।अध्यक्ष पुष्पकमल दाहाल ‘प्रचण्ड’ ले आज दिउँसो ३ बजे पार्टी केन्द्रीय कार्यालय पेरिसडाँडामा बैठक बोलाउनु भएको हो ।

गठबन्धनका दलले मन्त्रिपरिषद विस्तार गर्ने तयारी गरिरहँदा सरकारमा पठाइने मन्त्रीबारे निर्णय लिन बैठक बोलाइएको एक नेताले जानकारी दिनु भयो ।

सरकारमा सहभागी हुने मन्त्रीहरुको नाम आजै टुङ्गो लगाउने तयारी माओवादीको छ। सरकार गठन भएको लामो समय भइसक्दासमेत मन्त्रिपरिषद विस्तार हुन नसकेको देउवा सरकारको चर्को आलोचना हुन थालेको छ।