प्रहरीले चलाएको मोटरसाईकलले ठक्कर दिदा साईकल यात्री घाइते
सुनवल- नवलपरासी सुनवलस्थित बनकट्टिमा मोटरसाइकलले ठक्कर दिंँदा एक साइकल यात्री गम्भिर घाईते भएका छन ।
अर्घाखाँचीको जिल्ला प्रहरी कार्यलयमा कार्यरत प्रहरी जवान प्रेम बहादुर बुढा चलाएको लु ३२ प ७८१९ नम्बरको मोटरसाईकलले सुनवल-६ का स्थानिय श्यामबहादुर छन्त्याललाई ठक्कर दिएको थियो ।
मोटरसाईकलको ठक्करबाट छन्त्याल गम्भिर घाइते हुनुभएको छ। उहाँको टाउकोमा गम्भिर चोट लागेको प्रहरीले जनाएको छ ।
मोटरसाईकल चालक बुढा पनि सामान्य घाइते हुनुभएको छ । दुबै जनाको बुटवलको तिनाउ अस्पताल उपचार भइरहेको छ ।
