नेकपाको निश्कर्ष : करकै कारण धरानको चुनाव हार्‍यौं

चुनाव भइसकेपछि नेकपाले किन करको दर घटाउन निर्देशन दियो त ? नेकपा नेता विजय राईका अनुसार अहिले वडा तहबाटै चुनावी हारको समीक्षा चलिरहेको छ । यसमा सबैको निष्कर्ष छ, मेयरको चुनाव हार्नुको प्रमुख कारण कर नै हो ।

उनले अनलाइनखबरसँग भने, ‘अहिले हामी समीक्षाकै क्रममा छौं । तर चुनावी घरदैलोको क्रममा कर वृद्धि भएको धेरै मतदाताले उठाउनु भएको थियो र, मेयरको चुनाव हार्नुको प्रमुख कारण मध्ये एक कर नै हो भन्ने हाम्रो निश्कर्ष छ ।’

चुनाव अगाडि नै यो बुझ्न नसक्नु आफूहरुको कमजोरी भएको नेकपाका नेताहरुले बताएका छन् । धरानको मेयरका लागि भएको उपनिर्वाचनमा नेकपाका उम्मेदवार प्रकाश राईलाई पराजित गर्दै नेपाली कांग्रेसका तिलक राई निर्वाचित भएका थिए ।