माधव पक्षका केन्द्रीय सदस्यको बैठक बस्दै
काठमाडौं-केपी शर्मा ओलीसँगको भेटबार्ता पछि राजीनामा दिनबाट पछि हटेका वरिष्ठ नेता माधवकुमार नेपाल पक्षको केन्द्रीय सदस्यहरुको बैठक बस्ने भएको छ ।
नेकपा एमालेका वरिष्ठ नेता माधवकुमार नेपालले केपी ओलीसँग हिजो भएको वार्ता र सहमतिबारे आफूनिकटका नेताहरूलाई जानकारी गराउन बैठक बस्ने भएको एक नेताले बताउनुभयो ।
बिहीबार अध्यक्ष ओलीसँग भएको सहमतिबारे शीर्ष नेताहरूमा छलफल भएको थियो । २०७५ जेठ २ कै वरिपरि रहेर सहमति गर्ने गरी बनाउन लागिएको कार्यदलमा पठाउने सदस्यहरूबारे पनि छलफल हुने र थप राजनैतिक एजेन्डा र अघि बड्ने बाटो बारे समेत स्पष्ट हुन बैठक केन्द्रीत हुने बताइएको छ ।
