कपिलवस्तुमा ८ ट्रक अवैध केराउ बरामद

कपिलवस्तु-कृष्णनगर भन्सार कर्मचारीको मिलिमतोमा केराउ तस्करी हुँदै आएको तथ्य खुलेको छ ।मुख्य व्यापारिक कृष्णनगर हुदै भारत जाने क्रममा बुधवार राति ८ ट्रक अवैध केराउ कृष्णनगर प्रहरी र भारतीय एसएसबीले बरामद गरेको छ।

बुधवार राति ९।३० बजे बिशेष सुराकीका आधारमा इलाका प्रहरी कार्यालय कृष्णनगर र सशस्त्र प्रहरी बिपिओ कृष्णनगरको संयुक्त टोलीले ६ ट्रक केराउ बरामद गरेको छ भने एक ट्रक केराउ कृष्णनगर भन्सार कार्यालयले र अर्को एक ट्रक सिमा कटाई भारत पुगेपछि भारतीय एसएसबीले पक्राउ गरि कार्यवाही अगाडि बढाएको छ ।

प्रहरीले कृष्णनगरका विभिन्न ठाउँमा अवैध रुपमा नेपालबाट भारततर्फ लैजाने योजना रहेको भारतीय ट्रकमा लोड हरियो केराउलाई बरामद गरेको छ । कृष्णनगर प्रहरीले अवैध रुपमा नेपालबाट भारततर्फ लैजाँदै गरेको करिब २७ लाख रुपैयाँ मूल्य बराबरको २ सय २५ क्विन्टल हरियो केराउ बुधबार बरामद गरेको हो ।
पक्राउ ६ वटै ट्रक तथा मटर राजस्व अनुसन्धान कार्यालय बुटवल पठाइएको प्रहरीले जनाएको छ ।