तास खेल्दै गरेका ८ जना पक्राउ
काठमाडौं- डाँछीमा तास खेलीरहेका ८ जनालाई प्रहरीले पक्राउ गरेको छ ।
काठमाडौंको कागेश्वरी मनोहरा नगरपालिका–४ डाँछीमा सिन्धुली घर भएकी ४३ वर्षीया पार्वती मगरले सञ्चालन गरेको चिया पसलमा तास खेलिरहेको अवस्थामा उनीहरुलाई पक्राउ गरिएको प्रहरीले बतायो ।
प्रहरीका अनुसार पक्राउ पर्नेमा चिया पसल सञ्चालिका पार्वती मगरसहित ८ जना छन् । उनीहरुलाई जुवा ऐनअनुसार मुद्दा चलाउने प्रहरीको तयारी छ ।
