कपिलवस्तुमा जिल्ला स्तरीय डोरी तान प्रतियोगिता आयोजना

 कपिलवस्तु –कपिलवस्तुको कृष्णनगर नगरपालिका ८ बहादुगञ्जमा दोस्रो जिल्ला स्तरीय डोरी तान प्रतियोगिता आयोजना हुने भएको छ । विजेता पालिकामा कार्यक्रम गर्ने नियमअनुसार गत वर्ष विजेता भएको कृष्णनगर नगरपालिकामा यस वर्ष प्रतियोगिता सञ्चालन गरिने जिल्ला डोरी तान सङ्घका अध्यक्ष मीनराज बेल्वासेले बताउनुभयो ।

पुस ९ गते बहादुरगंञ्जमा आयोजना हुने उक्त प्रतियोगितामा १० समूह पुरुष,१० समूह महिला र दुई समूह भारतीय खेलाडीहरू सहभागी हुने बेल्वासेले बताउनुभयो । खेल बारे जानकारी दिन आयोजित पत्रकार सम्मेलनमा जिल्लाका सबै पालिकाहरू खेलमा सहभागी हुने बेल्वासेले दावि गर्नुभयो ।

मित्रराष्ट्र भारतका खेलाडीहरू पनि सहभागी हुने भएकोले खेलाडीहरू बिच आपसी समझदारी तथा दुवै देशका खेलाडीको सम्बन्ध थप प्रगाढ बन्ने उहाँले बताउनुभयो ।

कृष्णनगर नगरपालिकाका सहयोग हुने उक्त खेलमा प्रथम पुरस्कार १५ हजार मेडल,द्धितिय पुरस्कार १२ हजार मेडल,र तृतीय पुरस्कार १० हजार मेडल प्रदान गरिने आयोजकले जनाएको छ । पुरुष तर्फ ६ सय केजी,महिला तर्फ ५ सय केजीमा हुने प्रतियोगितामा २४० बढी खेलाडीहरू सहभागी हुनेछन्