कैलालीमा २५ वर्षीय युवकको घाँटी रेटेर हत्या अडियो भेटियो

काठमाडौं – कैलालीको जानकी गाउँपालिका-९ मा एक युवकको घाँटी रेटेर हत्या भएको छ ।सामाजिक सञ्जालमा सार्वजनिक झण्डै तीन मिनेटको अडियोमा मनोज नाम बताउने व्यक्तिले एक जनाको हत्या गरेको खुलाएका छन् । अडियोमा उनले भनेका छन्, ‘एकरदुई दिनमा तपाईं खबर पाइहाल्नुहुन्छ, घाँटी अलग छ, शरीर अलग छ ।’

अमरावती सामुदायिक वनमा घाँटी रेटेर टाउको छिनाएको अवस्थामा २५ वर्षीय अर्जुन दासको शव शनिबार साँझ भेटिएको जिल्ला प्रहरी कार्यालय, कैलाली डीएसपी वेदप्रकाश जोशीले बताउनु भयो ।

स्रोतका अनुसार उहाँको हत्यापछि कपडाको डोरी बनाएर नग्न अवस्थामा बाँधेर राखेको अवस्थामा शव भेटिएको हो । एक प्रहरी अधिकृतका अनुसार ‘हत्या गरी सकेपछि अपहरण गरेको जस्तो देखाउन खोजिएको छ, हात पनि बाँधेको अवस्थामा शव थियो । यसको कारणबारे अनुसन्धानपछि नै खुल्ला ।’

मजदुरी गर्ने अर्जुन सामान्य परिवारका हुन् । उनी अन्तिमपटक शुक्रबार साँझ घर नजिकै देखिएका थिए ।

डीएसपी जोशीका अनुसार युवकको परिवार भारतमा भएकाले शव उठाइएको छैन । ‘राति घटनास्थल सुरक्षित राखेका थियौं, अहिले मुचुल्का गरेर परिवार आएपछि पोष्टमार्टमका लागि पठाउने तयारी छ’ उहाँले भन्नु भयो थप अनुसन्धान गरिरहेका छौं ।’प्रहरीले अनुसन्धानका लागि तालिमप्राप्त कुकुरसहितको टोली पनि घटनास्थलमा ल्याएको छ ।