तिवारीको जन्मदिनमा विद्यार्थीलाई न्यानो लुगा
न्युजसेन्टर नेपाल-
कपिलवस्तुको विजयनगर गाउँपालिका वडा नम्बर २ बस्ने सन्तोष तिवारीले आफ्नो जन्मदिनको अवसरमा बालबालिकाहरूलाई न्यानो लुगा वितरण गर्नुभएको छ ।
विजयनगरमा रहेको नेपाल तारा माध्यमिक विद्यालय महुवाबारीमा अध्ययनरत बालविकासका बालबालिकाहरुलाई न्यानी कपडा वितरण गर्नु भएको हो । बढ्दै गरेको चिसोलाई मध्य नजर गर्दै न्यानो कपडा वितरण गरेको तिवारीले बताउनु भयो ।
जन्मदिनको अवसरमा बालविकासका विद्यार्थीहरूलाई न्यानो लुगा वितरण गरेकोमा नेपाल तारा माध्यमिक विद्यालयले सन्तोष तिवारीलाई धन्यवाद दिएको छ ।
न्यानो लुगा पाएपछि बाल विकासका विद्यार्थीहरू खुसी भएका थिए ।
सन्तोष तिवारीको वुबा हिमलाल तिवारी र आमा दिना देवी तिवारी हुन । सन्तोष तिवारीको जन्म पर्वत जिल्ला विहारी गाँउपालिका वडा नं.६ मा भएको थियो । तिवारी हाल विजयनगर गाँउपालिका वडा नं.२ मगरघट्टामा बस्दै आएका छन ।
