गाईसँग मोटरसाइकल ठोक्किँदा कपिलवस्तुमा एक जनाको मृत्यु
कपिलवस्तु – कपिलवस्तुको बुद्धभुमी नगरपालिका- २ मा गाईसंग मोटरसाइकल ठोक्किँदा एकजनाकाे मृत्यु भएको छ।
मृत्यु हुनेमा अर्घाखाँचीको शितगंगा नगरपालिका- १३ बाहुनखर्कका २६ वर्षीय पुष्कर भट्टराई रहेकाे प्रहरीले जनाएको छ ।
मगलबार बेलुका सवा ७ बजे पूर्व-पश्चिम राजमार्गमा लु २९ प ४०४२ नम्बरको मोटरसाइकलले गाईलाई ठक्कर दिँदा दुर्घटना भएको थियो।
मोटरसाइकलमा पछाडी सवार भट्टराईकाे ४८ वर्षीया भाउजू राधा भट्टराईको ४ नम्बर सामुदायिक अस्पतालमा उपचार भइरहेको इलाका प्रहरी कार्यालय गोरुसिंगेले जनाएको छ।
