सशस्त्र प्रहरीकाे ट्रक दुर्घटना : दुईको मृत्यु, ६ जना घाइते
कपिलवस्तु – बाणगंगा नगरपालिका–३ मा ट्रक दुर्घटना हुँदा दुईजनाको मृत्यु भएको छ। ६ जना घाइते भएका छन् ।
सिउटी भन्ने स्थानमा शुक्रबार साँझ ट्रक अनियन्त्रित भई दुर्घटनामा परेको हो । ४ नम्बर तौलिहवा सडकखण्डमा भएको दुर्घटनामा चालक तथा सशस्त्र प्रहरी जवान रमेश चौधरी र स्थानीयवासी अमर तङनामीको मृत्यु भएको हो।
इलाका प्रहरी कार्यालय पिपराका प्रहरी निरीक्षक दीपकबाबु केसीले ट्रकले ठक्कर दिँदा सडकमा हिँडिरहेका सागर पाण्डे, राजु चौधरी र कुलबहादुर घर्ती गम्भीर घाइते भएका छन्।
बुटवलमा उनीहरूको उपचार भइरहेको इलाका प्रहरी कार्यालय पिपराले जनाएको छ। ट्रकमा सवार थप तीनजना सशस्त्र प्रहरी जवान गोविन्द सुवेदी, जनक चौधरी र प्रेम मल्ल घाइते भएका छन्। कपिलवस्तु सामुदायिक अस्पतालमा सामान्य उपचारपछि उनीहरूलाई थप उपचारका लागि बुटवल पठाइएको छ।
