कपिलवस्तुमा मूर्ति विर्सजन गर्दा अवरोध गर्ने शाह पक्राउ
कपिलवस्तु कार्तिक १६।
मूर्ति विर्सजन गर्न अवरोध गर्ने जमाल शाहलाई कपिलवस्तु प्रहरीले पक्राउ गरेको छ । लक्ष्मीपुजाको मूर्ति विसर्जनका क्रममा एक जनाको ज्यान जाने गरी कृष्णनगरमा घटनाका गराउने खाँ आज दिउसो पक्राउ परेका हुन । कृष्णनगर बजारमा लुकिछिपि बसिरहेको अवस्थामा कपिलवस्तु प्रहरीले प्रक्राउ गरेको प्रहरी उपरिक्षक दिप शम्शेर जवराले बताउनुभयो ।
प्रक्राउ परेका जमाल शाहलाई जिल्ला प्रहरी कार्यालय तौलिहवामा ल्याईयेको छ । बुधबार लक्ष्मीपूजाको मूर्ति विसर्जनको क्रममा कृष्णनगरमा विवाद भएको थियो । प्रदर्शनका क्रममा प्रहरीले चलाएको गोली लागेर कृष्णनगरमा व्यवसाय गर्दै आएका २० वर्षीय सुरजकुमार पाण्डेका ज्यान गएको थियो ।
अवस्था तनावग्रस्त बनेपछि प्रशासनले बिहीबार बिहानदेखि कृष्णनगरमा कर्फ्यु लगाएको थियो । दुवै पक्षबीच सहमति जुटेपछि शनिबार बिहान ६ बजेदेखि कर्फ्यु हटेको छ भने कृष्णनगर पूर्ववत् अवस्थामा फर्किएको छ ।
