Connect with us
Kapilvast Forest

अफगानिस्तानबारे ट्रम्पको अभिव्यक्तिमा बेलायती प्रधानमन्त्रीको आपत्ति

२०८२, ११ माघ शनिबारमा प्रकाशित

बेलायती प्रधानमन्त्री किअर स्टार्मरले अफगानिस्तानमा रहेका नेटो सेनाको बारेमा अमेरिकी राष्ट्रपति डोनाल्ड ट्रम्पले गरेको टिप्पणीलाई लिएर आपत्ति जनाएका छन्। उनले यसका लागि ट्रम्पले माफी माग्नुपर्ने माग गरेका छन्। ट्रम्पले बिहीबार एक अन्तर्वार्तामा नेटोका सहयोगी बेलायतसहित देशहरू अफगानिस्तानको युद्ध मोर्चामा ‘थोरै पछाडि’ भएको कुरा दाबी गरेका थिए।

जवाफमा स्टार्मरले ट्रम्पको टिप्पणीलाई ‘अपमानजनक र लज्जास्पद’ भनेका हुन्। उनले राष्ट्रपति ट्रम्पलाई माफी माग्न आह्वान गरेका छन्। बीबीसीका अनुसार स्टार्मरले भने, ‘अफगानिस्तानमा ज्यान गुमाउने सैनिकहरूले हाम्रो देशको लागि गरेको साहस, बहादुरी र बलिदानलाई म कहिल्यै बिर्सने छैन। धेरै घाइते भएका थिए र उनीहरूको जीवन परिवर्तन गर्ने चोटपटक भोगेका थिए।’

उनले थपे, ‘मलाई राष्ट्रपति ट्रम्पको टिप्पणी अपमानजनक र स्पष्ट रूपमा भन्नुपर्दा गहिरो लज्जास्पद लाग्छ। उनले मारिएका वा घाइते भएकाहरूका प्रियजनहरूलाई गहिरो चोट पुर्‍याएका छन्।’

Vijay Steel Galaxy Crusher Chandrauta Kapilvastu Shivaraj