त्रिपुरेश्वरमा आगजनी भएको बसका चालकको मृत्यु
काठमाडौ । काठमाडौंको त्रिपुरेश्वरमा बस आगलागीको क्रममा घाइते भएका चालकको उपचारको क्रममा मृत्यु भएको छ।
सोमबार राति कीर्तिपुरस्थित बर्न अस्पतालमा उपचारको क्रममा चालकको मृत्यु भएको प्रहरीले जनाएको छ ।
रिद्धिसिद्धी यातायातको बा ५ ख ४२७४ नम्बरको बसका चालक रहेको उनी त्रिपुरेश्वर चोकमा ट्राफिक प्रहरीसँग विवाद भएपछि बसमै आगो लगाएका थिए ।
ट्राफिक प्रहरीसँग विवाद भएको भिडिओमा उनले आफूले गल्ती नगरे पनि ट्राफिक प्रहरीले चिट काट्न खोजेको भन्दै आक्रोश पोखेका थिए ।
घटनाको छानबिन गर्नका लागि काठमाडौं उपत्यका प्रहरी कार्यालयका एसएसपी रमेश बस्नेतको नेतृत्वमा छानबिन समिति समेत गठन गरेको छ।
