सप्तरीमा करेन्ट लागेर वृद्धको मृत्यु
सप्तरी-सप्तरीमा करेन्ट लागेर एक जना वृद्धको मृत्यु भएको छ।जिल्लाको राजगढ गाउँपालिका–३ कट्टी टोलमा आइतबार साँझ करेन्ट लागेर स्थानीय ७० वर्षीय शिवलाल यादवको मृत्यु भएको हो।
आफ्नै घरमा स्विच थिच्दा यादवलाई करेन्ट लागेको थियो।
करेन्ट लागेर घाइते भएका उहाँलाई उपचारार्थ गजेन्द्र नारायण सिंह अस्पताल राजविराज लैजाँदै गर्दा बाटोमै मृत्यु भएको जिल्ला प्रहरी कार्यालय सप्तरीले जनाएको छ।
