बिरामी बोकेको जिप अरुण नदीमा खस्यो, ६ जना बेपत्ता
संखुवासभा । संखुवासभाको अरूण नदीमा बोलेरो खस्दा ६ जना बेपत्ता भएका छन्।
सदरमुकाम खाँदबारीबाट बिरामी लिएर धरानतर्फ आउँदै गरेको को १ ज ३७४९ नम्बरको बोलेरो गएराति साढे १० बजे धर्मदेवी नगरपालिका-८ स्थित अक्करको भिरबाट अरुण नदीमा खसेको हो।
चालक सन्तोष विक, खाँदबारी–९ का संगम श्रेष्ठ, उनकी पत्नी सदीक्षा श्रेष्ठ, श्रेष्ठद्वयका दुई महिने छोरा समिर श्रेष्ठ, प्रमेश थापा मगर र उनकी भाउजु कल्पना थापा मगर बेपत्ता भएका हुन्।
बोलेरो सबार सबै ६ जना बेपत्ता भएका जिल्ला प्रहरी कार्यालय संखुवासभाका प्रमुख डिएसपी मीमबहादुर लामाले जानकारी दिए।
