मानव ओसारपसार र बलात्कार गर्ने रबिना पक्राउ

झापा-मानव ओसारपसार तथा जबरजस्ती करणी मुद्दाका फरार प्रतिवादी गौरीगंज गाउँपालिका ६ बस्ने २६ वर्षीया रबिना राजबंशीलाई प्रहरीले पक्राउ गरेको छ ।

जिल्ला अदालत झापाको २०७६ असार ३० गतेको फैसलाले मानव ओसारपसार तथा जबरजस्ती करणी मुद्दामा ११ वर्ष कैद र १ लाख रुपैयाँ जरिवाना ठहर भई फरार रहेकी उनलाई प्रहरीले पक्राउ गरेको जनाएको छ ।

रबिनालाई फैसला कार्यान्वयनको लागि जिल्ला अदालत झापा भद्रपुरमा उपस्थित गराइएकोमा अदालतको आदेशले बाँकी कैद भुक्तानको लागि कारागार कार्यालय चन्द्रगढी पठाइने जिल्ला प्रहरी कार्यालय झापाले जनाएको छ।