ट्राफिक प्रहरीद्वारा ‘नो हर्न स्टिकर अभियान’ शुरु

काठमाडौँ– नो हर्न’ अभियानको प्रभावकारी कार्यान्वयनका लागि ट्राफिक प्रहरीले आजदेखि ‘नो हर्न स्टिकर अभियान’ शुरु गरेको छ ।२०७४ वैशाख १ देखि काठमाडौँ उपत्यकामाहर्न निषेधित क्षेत्र घोषणा गरिए पनि पछिल्लो समय क्रमशः हर्नको प्रयोगमा बृद्धि हुँदै गएपछि प्रहरीले ‘नो हर्न स्टिकर अभियान’ शुरु गरेको हो ।

उक्त स्टिकर चालकले देख्ने गरी अगाडिको सिसामा टासिएको ट्राफिक महाशाखाले जनाएको छ ।नो हर्न अभियानलाई थप कडाई गर्न आजैबाट उपत्यकाको ३८ वटा ट्राफिक कार्यालयले एकैसाथ ५० हजार नो हर्न स्टिकर टाँस गरी अभियानलाई शुरु गरेको हो ।

जथाभावी हर्नको प्रयोगले ध्वनी प्रदुषण बढ्ने र यसले हाम्रो स्वास्थ्यमा समेत नकरात्मक असर गर्ने हुनाले अति आवश्यक नपरी हर्नको प्रयोग नगर्न समेत ट्राफिक प्रहरी महाशाखाले सम्पूर्ण सवारी चालकहरुलाई अनुरोध गरेको छ ।